કેકે નું પાટિયું || કાંકરીયા નો આંટો || Kuldeep || Flashback Stories

કાંકરીયા નો આંટો

મારા બાપા ના સુધરે !!!
શું કેહવું તમારું ??

આ તમારા દરેકનાં મનમાં એક વાર તો આવ્યું જ હશે. મારો અનુભવ જણાવું તો હું,
પપ્પા અને ટેણી બરાબર રાત્રે ૯:૦૦ વાગ્યા ની આસપાસ જમ્યાં પછી કાંકરીયા 
તળાવ પાસે આંટો મારવા નીકળતા. પપ્પાની પાન ખાવાની ટેવ હતી અને
ટેણી પણ ચેરી ખાતો. અમે અડધો કલાક જેવું સાથે બેસતાં વાતો કરતાં.
આમ જાેવા જાઓ તો આ કાર્યક્રમ બરાબર ફિક્સ થઈ ગયો હતો.
હું તો દિવસની શરૂઆતથી જ રાત પડવાની રાહ જોઉં. 
સાહેબ ગમે તેટલું તમે કામધંધે દોડી કરી ને આવ્યાં હોવ પણ ટેણીની પપ્પા સાથેની મસ્તી જોઈને
તમને જીવનનું પરમ સુખ મળે. આખા દિવસ નો થાક ઉતરી જાય!!!

અત્યાર ની વાત કરીએ તો માત્ર મોબાઈલ એ ટેણીનાં પપ્પા થઇ ગયાં છે.
આગળ જતાં મને એમ થાય કે સંસ્કાર ની પણ એપ હશે.
તમને ગમતાં સંસ્કાર ડાઉનલોડ કરો.
હું આમ તો વર્ષો થી એક ભંગાર વાળાને ત્યાં તેની પસ્તી રાખવાં માટે ખૂણામાં પડયું છું.
કેટલાંય વર્ષોથી બસ પપ્પા ટેણીની મસ્તી ને યાદ કરી ને દિવસો પસાર કરું છું.
આજે ઘણાં વર્ષો પછી દુકાનના રેડીયોમાં “પા પા પગલી” ગીત સાંભળીને મારો સુવર્ણ યુગ યાદ આવી ગયો.
દુઃખ એ નથી કે એમને મને તેમની અગવડ પડતાં વેચી દીધું. 

દુઃખ એ વાત નું છે કે પપ્પા- ટેણી ની એ જૉડી જોવા નથી મળી.
તમારાં બાળકોને તમારાં મોબાઇલ ની જરૂર નથી,
તમારી જરૂર છે. 
સાચું કહું તો આ પપ્પા-ટેણીની લાગણી ઓ વચ્ચે
હું પણ પોતાને માણસ સમજવાં લાગ્યો

લિ.
પપ્પા નું બજાજ સ્કુટર.

સમજાય એને જય માતાજી!!!!
-KK (kuldeep)
Team Flashback Stories