Waving Friend | Children’s Day Special

Ek din….mera mood bahot kharab tha, kisi se bhi baat karne ki meri ichha nahi thi.
I m sure kai baar hum sab ke life mein
kabhi…job ya business problem ko leke ya kabhi family issues ko leke ya kabhi….apne pyar ya padhayi ko leke…aisi situation aati hai and we want some time for ourself….

Main balcony me shanti se khada tha,
ke mere ghar ke saamne ki balcony mein
I saw a girl and she waved her hand to me and smiled…
pata nahi kyun main apni tension bhul gaya aur
mere chehre pe ek smile aa gayi.

Aap jaisa samajj rahe ho vaisa kuchh bhi nahi hai….
That girl was daughter of my neighbor
and she was 8 -9 years old, her name was Keya…

Tabse vo meri waving friend ban gayi…
bahar jaate hue ya
vo jab school se aa rahi ho…
aate jaate hum ek dusre ko hath
wave karte aur smile karte….

ek din main balcony me tha
aur Keya ki aawaz sunayi di..
mummy se jhagda karte hue…
mujhe aap se baat nahi karni
kattii….
aisa kehte hue ruth ke bahar
balcony me khadi ho gayi…

Uska dhyan meri taraf kheenchne
ke liye maine use…chhii chhiisshh…
eyebrows upar karke aur hath se
ishaare karte hue puchha..kya hua….
Keya meri taraf dekh ke kuch jawab nahi diya..
fir maine hath wave kar ke smile ki
to usne hath jaise taise wave kiya
par smile nahi ki….

to maine use kaha ek minute jana mat main aata hu
aur main mere room mein se ek ball leke aaya…
jise maine
chhuri se cut kar liya tha thoda…
aur naak pe joker ki tarah fasa kar alag alag funny face banane lage
balcony me….
aur keya jor se hasne lagi…
uski hasi ki aawaz sunke uske mummy-papa
bhi bahar aa gaye…
fir maine use vo ball phenk ke de-di…
to usne bhi naak me joker ki tarahh karke…
mirror me dekhne gayi
fir phone leke photo khicha
uski mummy ke sath….

Aur vo bhul hee gayi…
ke usne jhagada kiya tha…
uska mood kharab tha….usne mummy se Katti kiya tha
sab bhul gayi aur
vapas apni masti mein mast ho gayi….

Hum bhi bacho ke jaise apni problems ko bhul sakte hai
bas…zarurat hai to….dhyan divert karne ki…,
jo galat taraf dhyan divert kiya ya chidh-chida hoke
ek ka gussa dusre pe nikala toh to….
problems aur bhi bhadengi….
lekin agar sahi disha mein…
dhyan divert kiya.

Toh…us problem ka solution bhi milega
aur zindagi bhi smile karke …
hath wave karegi….
Kya pata shayad aapko bhi
mil jaaye mere jaisa koi….waving friend…
agar nahi hai to…bana lo….its so easy….
just wave your hand…. And  smile.

Learn From Childrens
Keep the child alive in you
I Believe if you are still bit childish 
bit immature toh zinda ho tum😉 
Happy Childrens Day

Written By:- Dilip Rangwani
( Team Flashback Stories )